遊 戲 特 色
| 各式各樣嘅積木 |
遊戲中嘅一草一木、一磚一瓦都係積木。積木有很多種，有花草樹木、有動物、有用來砌屋嘅磚頭，也有家具和食物等，種類繁多。現時，遊戲中已經有數千種積木，而且仲一路增加，越來越豐富啦！
| 唔止睇得，仲玩得！ |
用積木砌出來嘅場景，唔止用來睇，仲可以實實在在咁玩。例如廁所嘅馬桶，你可以坐上去便便。牆上嘅月曆，可以放大嚟睇，佢係真嘅月曆，可以睇日子；同樣，時鐘都可以放大睇。另外，辦公室嘅計數機都係真嘅，可以用來計數，好玩又實用。仲有好多得意嘢等你來發現！
| 各式樂器 |
遊戲中有各種樂器，鋼琴啦、兒童叮叮琴啦，仲有爵士鼓、日本太鼓等等......全部都可以演奏！當你坐上鋼琴，畫面就會出現琴鍵，你就可以彈奏！配合錄像功能，你仲可以將彈奏過程錄低，分享俾朋友仔睇。更多樂器將會陸續添加。
| 設計你嘅造型 |
人物嘅外觀，你可以換髮型、換衫、換帽，仲可以換表情。男仔鍾意著西裝，定係扮超人？女仔今日著裙，定係Cos學生裝呢？你仲可以打扮成忍者，或者戴上動物頭套，然後影相留念，或者聯機向別人展示自己嘅個性造型。
| 同真實世界融合 |
背景仲可以變成鏡頭嘅畫面，將真實世界融合到遊戲中，構成疑幻疑真嘅奇妙感覺。配合拍照和錄像功能，將這份奇妙傳遞到世界。諗一諗，BOKU家族同你一齊合照，會係點嘅呢？
| 全球聯機 |
遊戲仲支持全球聯機，你可以同全世界嘅玩家走入同一個世界，一齊創作，一齊玩，一齊傾吓計。你哋仲可以互相親親對方，送花俾對方，又或者撐起雨傘，二人共用一把，享受浪漫嘅一刻。聯機嘅時候，可以輸入文字聊天，或者發送語音訊息。話唔定某一日，你就喺度識到新嘅朋友仔啦。
| 分享照片和錄像 |
利用拍照和錄像功能，你可以將照片分享到社交平台，將錄像分享俾大家欣賞。影一張融合現實嘅相？錄一段鋼琴短片？
定做一個祝福好友嘅場景，添上你嘅祝福語呢？仲有乜嘢可以用來影相，錄片呢？
| 持續進化 |
《BOKU BOKU》係一個持續進化嘅世界，在往後嘅日子裡，除咗添加更多積木同服裝，仲會從玩法上、結構上不斷進化，持續帶俾你意想不到嘅驚喜！
